بحبه اوى بردو

موضوع: بحبه اوى بردو السبت أبريل 26, 2008 2:06 am

دى حكاية صديقة ليا هى بصراحة ماكتنش عايزانى اعرض مشكلتها لكنى حاولت اساعدها بانى اقولها ليكم ولعلنى اجد حلا لها انا هتكلم بلسان صاحبتى دى اوكى ويالا ابدا القصة معاكم
انا اتعرفت على واحد من النت من سنة تقريبا نا اصحاب عادى بس من حوالى كام شهر وحبيته وحبينى اوى وانا متاكدة من حبه ليا كمان بس احيانا بحس انه متغير معايا بحس انه مش بيحبنى زى الاول ولو انى متاكد والله من حبه س مش عارفة ايه الاحاس الغريب ده المهم كمان انه دولقتى عرفت انه بيشرب حشيش ونفسى بجد اساعده واكون جنبه لانه بيدمر نفسه وانا بحبه اوى وخايفة عليه ياريت تقولولى اساعده ازاى وكمان فترة الامتحانات بتاعته قربت ونا كمان بدرس وفترة امتحاناتى قربت وهنشغل عنه بالمذاكرة والامتحانات ومش عارفة هيعمل ايه وانا بعيد عنه بجد ياريت تلاقولى حل علشان اقدر اساعده واخليه يبطل هو بقالة اسبوع بيشرب حشيش الصبح وبالليل وياريت الاقى حل علشان يخلص من اللى هو فيه على خير
عارفين يوم ماحاولت انصحه واقوله يبعد عن اصحاب السوء كان رده غريب وقالى هو انا عيل هتقوليلى اعمل ايه وماتعملش ايه قولتله لا انا حبيبتك وبخاف عليك ولازم انصحك
وكمان عيب حبيبى انه مش بيحب حد يامره بحاجة ومابيحبش حد يهدده
يعنى انا فكرت اهدد يايختار بيبنى او بين الحشيش بس تراجعت لانى حاسة رد فعله هيكون ايه
بس اتمنى الاقى حل عندكم بليز ساعدونى وقولولى اخرجه من اللى هو فيه ازاى وارجعه حبيبى بتاع زمان

اولا أستطيع أن أقول لها حبك ده فعلا حب طاهر لاننا قلنا قبل ذلك ان الحب بيقتل الشر والبغض والانانية , فهى تحاول تتقرب منه لدرجة الأمومة .بمعنى ان حبها له لازم يحسسه انها هى حبيبته وامه واخته وكل حاجة فى حياته.. وتحاول فعلا تصرحه انت تختار ايه حبى لك ولا الحشيش :: بالرغم مفيش خلاص مقارنة بين الاتنين..اننى حزين بالفعل علشان هعمل مقارنة بين الحب الطاهر الصافى وهذا المُنكر... عموما هىت تحاول تقرب منه هاتفيا اذا كان هناك بالفعل فترة بعد بينهم وهى الامتحانات واذا كان بالفعل هذا الشخص بيحبها هيحاول يبطل الحشيش علشان حبه.. لان الحب شئ عظيم لا يعرف عظمته ولا روعته الا من يعيشه
الحب بهجة الدنيا وعطرها يجعلك تشر بانك ملكة الكون بقبضتك
يجعلك تشعر بالسعاده فى كل ما حولك تحب فتصبح محبا للحياة وللناس فبذلك تترك كل حاجة تزعل حبييك ( الحشيش)
( النهاية : المواجهة ..الصراحة.. بس بعد ماتشغله ايام البعد ولكن اتمنى منها انها تشغله يومين وتصبر عليه يعنى تنتظر لحتى ماتشوف رده على الرسائل وبعدين من تانى مقابلة لهما تحاول تواجه بالمقارنة )

مش قولتلك امير الرومانسية على فكرة انا لقبتك بأمير الرومانسية
وعلى فكرة يانغم لو هو بيحبها بجد مش كلام هيبطل الحشيش

الرد من الباشمهندس جميل جدا ولكنه غير عملي لانها قالت له اكثر من مره وحذرته ولكنها لم تجد منه اي رد او منع ففعلا المواجهة فياريت تستطيع زميلتك ان تتحكم في مشاعرها وتجد له طريقه عمليه واكثر تاثيرا حتى يتاثر بها هذا الحبيب ويتم لها المراد من عودته الى الطريق الصحيح التي تريده ويعود الحبيب كما كان

على فكرة يانمر تعليق امير الرومانسية على هذه المشكلة هو ناتج من انه انسان بالفعل حساس وقلبه جياش بالعواطف

بس تعليقك يانمر كويس جدا وحل نوران سوفت ايضا مظبوط ان هيكون فترة بعد بينهم فيحصل تفكير فى القلب والعقل وزى ماهو قال انها تكلمه وبعدين تحاول تواجه بس مش من اول لقاء لها بعد فترة البعد ( الامتحانات)

من رايى ان راى توران سوفت جميل بس ليه بعض تحفظات وهو ان الفتره اللى هتبعد فيها حتى لو كلمته فى التليفون هتكون فتره اسوا وممكن انه يزيد فى شرب الحشيش
لكن الاصلح من راى انها تواجهه وتحسسه بحبها وخوفها عليه بحيث تكون فترة الامتحانات تشغله عن هذا الموضوع بعد مايكون بطله قبل الامتحانات
وادام هيه بتقول انهم بيحبوا بعض فالحب هيقف امام اى صعاب وهيعدوا هذه المحنه وان شاء الله يكون احسن من الاول كمان

على فكرة انا بشكر الرومناسي الى عمل البرنامج الجميل ده الى هيكون افضل من اسامة منير فى حل المشاكل وعلىفكرة انا معه فى رأية بس اناعندى تعليق صغير انى الانسان الى بيحب حد لازم هيتغر علشان حتى لوكان الى يبحبه واحد كان بيعمل كل الاشياءوعندنا مثلا كقصة فليم انا مش معاهم كان البطل بشرب مخدرات وبتاع بنات وبعدين اول ماشاف واحدة اعحب بيها اتغير علشانها وبقى شخص مستقيم وتجوزه فىنهاية القصة وعشوا فى تبات ونبات وخلفوا أولاد وبنات وهى دى نصيحتى لزميلك وهو ده رأى

مع تحياتى

السلام عليكم :
رأيي أن أوعك دلوقتي تبعدي عنك بلعكس حاولي تقتربي منه أكثر حاولي أبتعرفي أيه السبب الي دفعه علشان يحشش حاولي تعرفية أنه شخص بيهمك وأن دلوقتي علشان حبك وشركك معاه في حياته يعني هوة دلوقتي مبأتش حياته لوحدة أنتي كمان فيها وفهميه أنتي مش علشان تتدخلي في حياته وله عايزة تخنئي علشان كدة ابتتكلمي معاة لا بس حسسي هوة شخص مهم ألك بيهمك حياته وصحتة وكلشي منه بيهمك حاولي اتوجهي ولو كان مش عارف أية أخطار التحشيش ممكن كل يوم تقوليله قصة حتى ولو كانت من خيالك أتأدي لموت الي بيحشش وحاجات زي كدة وأنشاء الله الكل بيدعيلك وبيدعيلة من قلب صافي وطاهر الله يبعد كل منكر عنكم وبيخلصة من الي هوة فية وبيهدية

ميرسى ليكوا اوى على ردودكم الجميلة دى
وانا والله شايفة ان صاحبتى مش بتبعد عنه ولا حاجة بس هى فترة الامتحانات دى للاسف هى اللى هتبعدها عنه ولكن هى اخر مرة كلمته قالها انا هبطل خلاص لان الامتحانات جاية وكده ولكن بردو جت فى يوم وكلمته قالها لو كلمتينى فى الموضوع ده هخرج من النت قالتله خلاص بس انا خايفة على مصلحتك وخايفة عليك تقوم تعمل معايا كده بس دلوقتى الحمد لله هى بتقولى انها مابقيتش تتكلم معاه فى الموضوع ده هى بتحسسه بحبها وده مقويه شوية وتقريبا من كلامها عنه انه ساب الحشيش ورجع لحياته فى النادى اصله بطل خيل سباحة وبكرة عنده مسابقة خيل وهتذاع صاحبتى كان نفسها اوى تبقى معاه بس مش هينفع علشان امتحاناتها ومذاكرتها لكن هى بتطلب منكم انكوا تدعوله يكسب انشاء الله
بس فيه حاجة كده صااحبتى كانت سألتنى فيها اولا هو الشخص اللى بتبحه ده كان الاول بيحب واحدة وسابها علشان كدبت عليه فى حاجات وخبيت عليه حاجات لكن هى اللى قدمتله فى مسابقة الخيل دى وهو فى اليوم ده كان هيسافر طيعا قعد علشان المسابقة فهى بتسأل ياترى سمع كلام البنت اللى كان بيبحها وعلشان كده قعد ولا علشان دى مسابقة واسمه اتكتب فيها ولا علشان اللى كان بيحبها دى هتكون موجودة وصاحبتى اصلا سألته وقالتله انت من كلامك عن اللى هىوكان بيحبها الاول دليل على انك بتحبها او كنت بتحبها بس فيه حاجة بسيطة من ناحيتها جواك واصلا البنت دى حاولت الانتحار قبل كده لما عرفت ان حبيب صاحبتى اربتط بصاحبتى دى
وصاحبتى بقى بتقول لحبيهبا ماتحاول تفهم البنت اللى كنت بتحبها الاول دى انك خلاص ارتبطت علشان ماتفضلش كل شوية تتصل بيك وتفضل متعلق كده بيك ولا انت خايف عليها قالها بصراحة خايف عليها قالتله طيب راح قالها بحبك فانا بقولها تلاقيه بيشوفك هتغيرى ولا لا وكمان حبيب صاحبتى بيقولها انا اصلا داخل المسابقة علشان اثبت للناس انى لسه بعرف اركب خيل اصلهم بيقولوا عليا انى مابقيتش اعرف من ساعة ما شربت الحشيش وقال لصاحبتى مش كده احسن من الحشيش بردو فصاحبتى بتقول لنفسها ياه انا حاولت معاه علشان يبطل الحشيش مانفعش ولما جت البنت اللى كان بيحبها دى وقدمتله فى المسابقة دلخل وقال لازم اثبت للناس انى لسه بعرف اركب خيل وانا قولت لصاحبتى انها واضح من تصرفاتها وخوفها عليه انها بتحبه اوى وبتغير عليه موت
انا قولتها يابنتى هو بيحبك انتى ومن كلامك عنه انه سابها علشان بتكدب وانه مش بيحب الكدب وان دى مسابقة يعنى لازم يحضرها لان سمه اتسجل فيها خلاص مش علشان اللى كان بيحبها ولا حاجة المهم ياريت اسمع ردكم وتعليقكم

نسيت اقول ان صاحبتى الفترة دى مش بتتكلم معاه فى موضوع الحشيش هما بس عادى زى اى اتنين بيحبوا بعض يعنى بيفضوا يحبوا فى بعض ولكن بعد فترى الامتحانات لما تبقى تقابلة بقى وتواجه هتعرف من شكلة او من تصرفاته لسه بيشرب ولا لا وتبقى تواجه وتحسسه بخوفها عليه

أولا انى أتاسف على ردى وتعليقى قبل رد فارس وأمير الرومانسية نوران سوفت منفذ البرنامج
بس ممكن أقولك ان صاحبتك الأن فى فخ او ورطة بمعنى لما دخلت حياته وعرفت ان فى واحدة بتحبه كده ..من حقها انها تسيبه لان ده مايدعى بألانانية فى الحب فهى تحاول تطفى شعلة حبها بسب ذلك.. ولو هو بالفعل حب صاحبتك لازم تتأكد لا هو سبها بالظبط ولو كان علشان هى كدبت عليه فى حاجة عادى ممكن كان يقولها على غلطتها ويحاول يصلح منها وربنا يوفقه فى المسابقة ويوفق صاحبتك بس هى بالفعل لازم تقعد مع نفسها وتحط نفسها مكان الواحدة اللى بتحبه..وتشوف هلى هى ترضى بكده واعتقد لو صاحبتك بتحبه بجد تحاول لو هو عنده ميل لها .. تحاول تقربهم من بعض على اساس ان الحب ليس زواج فقط وانا الحب هو حب الخير والسعادة للشخص الاخر
انا اسفة لو كلامى كان يضايق بس لازم نعيش الواقع ولوعملت كده ممكن ربنا يباركها فيه هو او يباركها فى حد تانى احسن منه شكرا

بصيى يأنغم انتى ممكن تقول لصاحبتك انها تصلى صلاة استخارة لاننى كنت فى موقف زيها كده وصلت والحمد لله..ربنا وافقنى فى ذلك

اولا شكرا ليكم وانا عايزة اقولكم ان صاحبتى متاكدة انه بيحبها ده خلا مامته واخواته يكلموها ويتعرفوا عليها بس انا عرفاها هى طول عمرها جواها شكوك كده بس مش اكتر ساعات بتحس بحاجات او بيتهيألها حاجات بتشك انه مش بيحبها بس صدقونى من كلامها انه بيبحها فعلا وربنا يوفقها معاه وانا بدعيلها والله وبنصحها بلاش الشك يدخل قلبها لانه بيدمر وبيقتل العلاقة بينهم

ولا يهمك ياهيفاء..المهم ان احنا نطلع نتيجة جيدة ومساعدة لاى حد سواء منى او منك او من اى عضو معنا
أستطيع أن أقول لأخت نغم أن تخبر صاحبتها بأن تشغله كما قلت من قبل وأ، تأخذ منه كلمة صريحة وهى انه نسي الفتاه اللى كان بيحبها او اللى هى بتحبه ويشرحلها الموقف اللى بين صاحبتك وبينه
شكرا وانا اسف على تاخيرى فى الرد

الموضوع فعلا جامد ويشد بس بجد انا عايزك يا نغم تسالي صديقتك ايه الغرض من الحب وهل هي قالت لحبيبها كل شئ عنها بصدق حتى لايحدث معها ماحدث لصديقة حبيبها السابقة وكمان انا ملاحظ من الكلام ان الانسان ده رياضي وعلشان كده هيقدر يتجاوز اي محنه هو فيها وادعوا لصيقتك بالتوفيق والسعاده

انا مع تعليق النمر هدفها ايه من حب مشترك وعموما لو هما بيحبوا بعض فعلا لازما هو يواجه الفتاه التانية بالحقيقة

فعلا صدق من اطلق عليك امير الرومانسيه يانوران سوفت بس في حاجه عاوزه اقولها ان مفيش حاجه اسمها حب من علي النت لانه اكبر وهم ونسبه النجاح فيه 1في الميه وممكن تكون هي من الواحد في الميه دول ولو هو بيحبها بجد هيبطل علشانها كل حاجه لان اللي بيحب بيعمل اي حاجه لاجل حبيبه واتفق مع نوران سوفت الر اي لانه مسبلناش حاجه نقولها